D.E.P. José Amador Eiras Paz

O Concello de Moraña quere lamentar fondamente o falecemento, a primeira hora desta mañá, de José Amador Eiras Paz, o alcalde máis lonxevo da nosa historia democrática, xa que dirixiu este municipio durante 28 anos.
A Corporación vén de celebrar un pleno extraordinario no que se aprobaron tres días de loito oficial.
Dende o Concello, en nome propio e o de toda a veciñanza, queremos expresar a nosa dor pola súa perda e trasladar o noso máis sentido pésame aos seus familiares e achegados.